الأهواز – شعر / الیکم ابیات من الشاعر حسين الوائلي ضمن مهرجان ” مؤمن قریش “.

موت الخضار ايبيّن إشما يصّفر
بس لشّمس هالّون أصبح مصدر

جمره او تشب عكس الشمع لوهب ريح
النار هيّه الحاله بس تتغيّر

مو كل عطش بي تلگه للگاع افطور
ناعم رمال الصحره ما یتفطَّر

ضنّو ظلام الليل يغلب كل نور
يكثر سواده او تزهي لنجوم أكثر

غمضو اعيون القلم عن لاتنشاف
تاريخك اليكفينه والد حيدر

شافو جوابك يوم گلولک روح
اسئل الهادي ابيا ثمن يتكتر

كل ضنهم اتردهم بمركم مسموع
بس انته گلتلهم الشر یحله ابشر

وایجوز شامرهم شمر من البيت
موعبث ابنك صار قالع خيبر

ياناصر الاسلام قبل الاسلام
من چان طاهه ابعطف چفک یکبر

چنت المحمد مو فقط عم واحزام
واحچایته او ضحّکته اشما يتكدَّر

واهموم گلبه البس نساهن ویّاک
‌و احزان صدّره الما يكفّيهن بر

كلهن شلتهن عله اچتافک والدین
کلما وگف یم بحر شافک معبر

ضاعو رماد اويه الدهر وانته ابّقيت
ذاك الضّوه الما يعتگ اویه الجوهر

رادو یبعدون الهوه امن الشباچ
رادو الغبشه امن الصبح تتعذر

ظنهم اذا خلّو حصار اتخلیت
عن طاها بس انته ابفعالک تکبر

ویّاه عشت المرّه والصعبه اهناک
وابصبرک اعله النایبات اتوزّر

بس هوّه طبع الیغرگ ایذم بالروج
والگلبه حایط یا ضوه البي أثَّر

عنّك الگالو کافر او ماصلّیت
نفس اللي گالو عن محمد ابّتر

یکفیک الله انطاک حیدر قرآن
ناطق یبشر النبي ابجيّت الكوثر

 

بدون دیدگاه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *