الأهواز – الشعر الأهوازي / أبیات شعبیة في ذکری إسشتهاد أمیرالمؤمنین الإمام علي علیه السلام من الشاعر الأهوازي نسیم الناصري.
یاهوخضب شیبتک یاعلی بویه
فدوه حاچی ابنیتک یاعلی بویه
……………………………………
علی بویه لورحت یاهوالیلمنه
منهو بعدک یاعلی ایسد فیت امنه
امی راحت وانکسر واهس حلمنه
بویه بعدک یکسر الخاطر یتمنه
یاهوالیسد فیتک یاعلی بویه
فدوه حاچی ابنیتک یاعلی بویه
…………………………………..
بویه دنیاک اشکثر وحشه وحزینه حزنک اکثرمن فگدت امی الحنینه
عیدباچروانته رایح من أدینه
ترا شماتک تعید لو بچینه
لیش خانت دنیتک یاعلی بویه
فدوه حاچی ابنیتک یاعلی بویه
….. ………………………..
أبلا ابو و أم یوحش المنزل ظلامه
بویه بعدامی وبعد عینک یتامه
بیت الی بابه احترگ یصعب منامه
بویه لاتمشی ویضل سیفک علامه
أدری تویع طبرتک یاعلی بویه فدواحاچی ابنیتک یاعلی بویه
……………………………..
بویه دمعات السفر عینک بچتهه أوچن محاچی ألفرگه نظراتک حچتهه
إمودع وبس چلمه ضلت ما گلتهه
بویه سلمنی اعله امی لوشفتهه
شیبتنی غربتک یا علی بویه
فدوه حاچی ابنیتک یاعلی بویه
…………………………..
انتظر جیتک یه بویه ابظهر عاشر
من تهد اعله الأخو اسيوف وحوافر
من ادَوِّر ستر للما عنده ساتر
من اطب امدنگه ما بین العساکر
اهناک توجب جیتک یاعلی بویه
فدوه حاچی ابنیتک یاعلی بویه
………………………
لو وصل وکت السبی ولناگه هزله
ایگصص ابایدی الحبل من ایدی حله
من اصیحن یاعلی ضاعت لی طفله
من اصیح او ما تجی یا علی فشله
جیب خیمه ال عیلتک یاعلی بویه
فدوه حاچی ابنیتک یاعلی بویه.
بدون دیدگاه